បារាំង៖ សហព័ន្ធកីឡាបាល់ទាត់បារាំង (FFF) បានបញ្ចេញនូវផ្ទាំងរូបភាពមួយសន្លឹក ដែលបង្ហាញពីលេខអាវដែលត្រូវប្រើប្រាស់សម្រាប់កីឡាករម្នាក់ៗ ក្នុងការប្រកួតជើងឯកទ្វីបអឺរ៉ុប UEFA Euro 2020 ដែលបានលើកមកកាន់ឆ្នាំ២០២១ នេះ។ 

ក្នុងនោះ អ្វីដែលគេចាប់អារម្មណ៍ខ្លាំងបំផុត គឺការកោះហៅកីឡាករ Karim Benzema មកកាន់ក្រុមជម្រើសជាតិសាជាថ្មី បន្ទាប់ពីរូបគេបានអវត្តមានតាំងពីឆ្នាំ ២០១៥ ក្រោយពាក់ព័ន្ធនឹងរឿងរ៉ាវដ៏ចម្រូងចម្រាស់នៃការគំរាមបែកធ្លាយវីដេអូអាសអាភាសនាពេលនោះ។ ការត្រឡប់មកវិញគ្រានេះ Benzema នឹងត្រូវពាក់អាវលេខ១៩ ខណៈម្ចាស់អាវលេខ៩ ក្នុងក្រុមគឺកាន់កាប់ដោយកីឡាករខ្សែប្រយុទ្ធវ័យក្មេងរបស់ PSG Kylian Mbappe ខណៈលេខ១០ គ្រងដោយ Olivier Giroud។

ក្រុមជម្រើសជាតិបារាំង នឹងត្រូវជួបជាមួយ អាល្លឺម៉ង់ នៅថ្ងៃទី១៥ ខែមិថុនា នាទីក្រុងម៉ូនិច (Munich) ប្រទេសអាល្លឺម៉ង់, ជួបហុងគ្រី នៅថ្ងៃទី១៩ និងជួបព័រទុយហ្គាល់ នៅថ្ងៃទី២៣​ ខែមិថុនា នាទីក្រុង ប៊ូដាប៉េស (Budapest)​ ប្រទេសហុងគ្រី៕